Siglir tar il cuntegn

Svizra Affera Vincenz vinavant sut la marella

Dapi il 2005 ha la Banca Raiffeisen cumprà radund participaziuns. Quellas dessan ussa vegnir examinadas, ha ditg il president ad interim da Raifeisen, Pascal Gantenbein, en la NZZ am Sonntag

Portrait dad el.
Legenda: President ad interim – il professer d'economia Pasca Gantenbein ha surprendì il mars il post tar la Raiffeisen. Keystone

Pir cur ch'ins enconuschia ils resultats da quellas examinaziuns possian ins discurrer da consequenzas persunalas, citescha la NZZ am Sonntag vinavant a Pascal Gantenbein.

Gantenbein ponderescha sez candidatura tar la Raiffeisen

En il medem mument ha Gantenbein dentant annunzià da vulair renovar il cussegl d'administraziun. Fin il 2020 duain 9 novs commembers vegnir elegids. Er el sez pondereschia ina candidatura.

La Raiffeisen cumbatta cun ses image donnegià

L’affera Vincenz n’ha betg fat bain a l’image da la terz gronda banca en Svizra. Cun ina examinaziun interna annunziada l'emna passada vul la Raiffeisen gudagnar puspè la fiduzia da sia clientella.

Gia lura aveva la banca annunzià da vulair examinar consequentamain l’era Vincenz e da render transparent ils resultads da quell’examinaziun.

RR novitads 08:00