Cun la cunvegna duai vegnir impedì ina massada da plants cunter VW u l'Amag, l'importader general en Svizra. Las organisaziun vulan suttametter quest'emna a l'Amag lur propostas per ina cunvegna generala.
Indemnisaziun per clients americans
En ils Stadis Unids han 120'000 clients da VW acceptà bons da cumpra dal concern. VW aveva offert ils bons sco segn per far bun il scandal da svapur. Tgi che ha acceptà ils bons na desista però betg sin ses dretg da purtar plant cunter VW, communitgescha Volkswagen of America.
Per mintga client hai dà bons per ina valur da 1'000 dollars.
VW aveva admess d’avair manipulà las valurs da svapur tar ils motors da diesel. Per questa raschun smanatscha al concern in chasti da milliardas da dollars.
RR novitads 06:00 / 11:00