Siglir tar il cuntegn

Header

Navigaziun

cuntegn

Affoltern am Albis Chattà quatter morts en in'abitaziun

Ina dunna e dus uffants han la gievgia pers la vita tar in delict da mazzament ad Affoltern am Albis. Era l'um e bab dals uffants è mort.

La polizia va da quai anora che l’um da 53 onns ha l’emprim mazzà sia dunna da 51 onns, ils uffants da 7 e 9 onns e ch'el ha suenter fatg suicidi.

Naginas indicaziuns davart l'andament dal delict

Curt suenter las 21:00 ha ina dunna annunzià a la Polizia chantunala a Turitg, che sia collavuratura n'è betg vegnida a lavurar. La polizia è lura ida a controllar e ha chattà en ina chasa cun pliras abitaziuns las quatter baras. Tenor la communicaziun da la Polizia chantunala da Turitg èn las exactas circumstanzas anc betg scleridas. Sch'il delinquent era enconuschent a la polizia, per exempel pervi da violenza a chasa, na fa la polizia betg a savair.

RR novitads 11:00