Siglir tar il cuntegn

Header

cuntegn

Agid al svilup Cussegl federal dumonda dapli daners per damain projects

En tut dumonda il Cussegl federal tschintg credits en l'autezza da total 11,25 milliardas francs – dapli ch'enfin uss, damain che dumandà dal parlament.

Il Cussegl federal vul investir 11,25 milliardas francs en la cooperaziun al svilup, quai per ils onns 2021 enfin 2024. Il medem mument vul el focussar l'agid sin pli paucas regiuns dal mund.

Enfin la fin da la perioda vul il DEZA, la Direcziun da svilup e da collavuraziun terminar ses program en l'America latina. Ils daners che vegnan uschia libers, duain vegnir investids en projects en l'Africa e l'Orient Central, en l'Asia Centrala e dal Sid e Sidost sco er en l'Europa da l'Ost.

Accents principals duain esser la creaziun da plazzas da lavur al lieu, la limitaziun da la midada dal clima e l'adattaziun a las consequenzas da quella. Ultra da quai duain las raschuns per la migraziun irregulara vegnir reducidas ed il stadi da dretg vegnir promovì. Per cuntanscher quai vul il Cussegl federal nizzegiar anc pli ferm il potenzial dal sectur privat e da la digitalisaziun.

La mesemna ha la regenza deliberà la missiva da la strategia per la cooperaziun internaziunala. La fatschenta va uss en il parlament.

Per tadlar curt er cumpact:

RTR novitads 17:00

Artitgels legì il pli savens

Nach links scrollen Nach rechts scrollen