Siglir tar il cuntegn

Header

cuntegn

Agid cunter corona Viafiers federalas quintan cun 400 milliuns francs

Il schef da l’SBB Vincent Ducrot quinta che las Viafiers federalas survegnian 400 milliuns francs da la Confederaziun per cuvrir las perditas tras las mesiras cunter la derasaziun dal coronavirus. En tut cumpiglia il pachet d'agid da la Confederaziun per il traffic public 900 milliuns francs.

Ils daners sajan per il traffic regiunal (radund 250 milliuns) e per l’infrastructura (radund 150 milliuns), ha ditg Ducrot envers la «Samstagsrundschau» da SRF. Tras la crisa da corona quinta la SBB cun sperditas da 300 fin 400 milliuns francs.

Per il traffic a gronda distanza percunter na dumondia la SBB nagins daners da la Confederaziun. Là saja quai pussaivel da far gudogn, e perquai stoppia la Viafier federala cuvrir sezza lezzas perditas.

D'auzar ils pretschs na vegn tenor Ducrot betg en dumonda. Quai fissia in signal sbaglià. La situaziun sa migliereschia di per di tar las frequenzas. Entant manchian anc 20% dals passaschiers, sco turists, pendularis u era visitaders da concerts.

RTR novitads 16:00;

Artitgels legids il pli savens