Siglir tar il cuntegn

Header

Navigaziun

cuntegn

Agid da svilup Confederaziun refusa critica vid nova orientaziun

La nova orientaziun da l'agid da svilup duai sa orientar dapli vers ils interess svizzers. Perquai stan els en la critica. Il schef da la DEZA, la direcziun da svilup e da collavuraziun ha prendì posiziun envers SRF.

I saja legitim da cumbinar acziuns d'agid cun ils interess svizzers e damain cun la migraziun. Quai ha il schef da la DEZA Manuel Sager durant la «Samstagsrundschau» da radio SRF. Vinavant ha el ditg, che la cooperaziun al svilup e la solidaritad tutgian tar l'identitad da la Svizra.

Focussar pli ferm

En gievgia ha il cusseglier federal Ignazio Cassis preschentà la nova orientaziun da l'agid da svilup svizzer. Resumà curt: Els sa vulan focussar sin pli paucs pajais, per avair in effect pli ferm.

Per ils onns 2021 fin 2024 saja planisà d'investir 11,37 milliardas francs en l'agid da svilup. Quels vul la confederaziun partir or en quatter regiuns geograficas:

  1. Africa dal Nord ed Orient central
  2. Africa subsahara
  3. Asia Centrala, dal Sid e dal Sidost
  4. Europa Orientala

Da l'America Latina sa vulan els retrair. La Svizra saja preschent en numerus pajais. Uschia saja il ristg da sfarlattar pli grond.

Temas centrals

Ils temas centrals da l'agid duai esser la creaziun da plazzas da lavur, il cumbat cunter la midada dal clima sco era il cumbat cunter raschuns da migraziun.

RR novitads 14:00