43,5 milliuns francs ha la Chadaina da Fortuna rimnà per gidar persunas ch'èn vegnidas en pitgiras pervi da corona. 40 milliuns ha ella dentant pajà per agid d'urgenza. 1,7 milliuns persunas en Svizra han pudì profitar.
Latiers ha la Chadaina da fortuna sustegnì 200 projects d'agid, tranter auter agid da mangiativas. La rimnada ha gì lieu il mars ed avrigl 2020.
Dapli glieud giuvna
Cun quest agid pon ins gidar a persunas ch'èn vegnids en miseria durant l'emprim shutdown e tras las mesiras da protecziun da la Confederaziun e dals chantuns. Blers dad els vivevan gia avant la pandemia al minimum d'existenza. Quai che croda en egl ils davos mais è ch'adina dapli glieud giuvna dumondan per agid.
Ord l'archiv
Il coronavirus è ina crisa che pertutga tuts. Ma 630'000 persunas en Svizra èn pertutgadas da paupradad, per questas persunas po la crisa daventar ina situaziun existenzialmain privlusa. Perquai ha la Chadaina da Fortuna rimnà daners per sustegnair persunas periclitadas.
