La primavera dovran puras e purs il fertilisader da nitrogen per engarschar lur terren. Sin in il martgà internaziunal datti mumentan memia pauc. Ils pretschs èn creschids fermamain ils ultims mais. La raschun è, che ils producents da fertilisader han sminuì lur producziun damai ch'il gas è char. Gas è ina materia da basa per producir fertilisader da nitrogen.
Ina mersira preventiva
Puras e purs teman perquai per lur racolta. La Confederaziun ha entant reagì e dà liber la reserva obligatorica da nitrogen. Fin ussa han ils producents gia retratg 700 tonnas nitrogen or dal magasin d'urgenza. A partir dal schaner dat la Confederaziun lura liber l'entir magasin da passa 17'000 tonnas. Tenor Stefan Menzi da l'Uffizi federal per il provediment economic dal pajais vegn quai a tanscher per engarschar dapertut la primavaira.
