L'economia svizra dovria in fond d'agid da 100 milliardas francs en vista a la crisa actuala, quai pretendan dus professurs d'economia da la ETH a Turitg. Las mesiras ch'il Cussegl federal haja prendì fin ussa na bastian betg, ì dovria 10 giadas dapli daners.
La funcziunalitad da l'entir sistem d'economia saja periclitada. I smanatschia perditas da valur enormas ed ina unda d'insolvenza. Cun il fond duai vegnir segirà la solvenza da las firmas e las plazzas da lavur. Ils daners stoppian però puspè vegnir pajads enavos per ina gronda part.