Siglir tar il cuntegn

Header

cuntegn

Agid social en Svizra Ils proxims dus onns pudessi duvrar bler dapli agid

Il nov scenari areguard l’agid social quinta, che var 57’800 persunas dovran da nov sustegn fin il 2022, radund 21% dapli. Uschia fissan ils proxims dus onns stgars 330’000 persunas en Svizra dependentas d’agid social. La Conferenza svizra per agid social ha preschentà a Berna sias prognosas surlavuradas. D’attribuir saja quest augment tranter auter a la pandemia da corona.

Persunas che sajan pli ditg senza lavur, sajan il pli periclitadas da daventar dependentas d'agid social. La Conferenza pretenda perquai novas disposiziuns – sco per exempel da francar en la Constituziun la pussaivladad d'in provediment public da dischoccupads.

Periclitads èn er interprendiders independents

Dentant era persunas cun lavur independenta e cun entradas bassas – pudessan duvrar en il futur sustegn da l’agid social, manegia la Conferenza svizra per agid social. Ed en general stoppia il Cussegl federal cuntinuar da sustegnair l’economia, fin che la pandemia saja surmuntada.

RTR novitads 12:00

Artitgels legids il pli savens

Scrollar a sanestra Scrollar a dretga