Siglir tar il cuntegn

Header

cuntegn

Svizra Agid svelt per unfrendas d'asbest

Persunas che pateschan dapi il 2006 d'in tumor pervi da la lavur cun asbest sco era lur parents duain survegnir svelt agid finanzial e vegnir tgirads psicologicamain.

La maisa radunda - che l'anteriur cusseglier federal Moritz Leuenberger ha manà e ch'il cusseglier federal Alain Berset ha installà - ha elavurà valurs directivas per definir, tgi che po vegnir sustegnì e co che l'agid duai guardar ora en il cas singul.

Per onn 120 persunas malsaunas

Il dretg da survegnir in sustegn han da principi persunas ch'èn vegnidas malsaunas da Mesotheliom suenter il 2006. Mesotheliom è in tumor nausch che sa furma pervi d'asbest. En Svizra vegnan var 120 persunas da nov malsaunas, quai pervia ch'ellas han lavurà pli baud cun materialias che cuntegnevan asbest. 30 dad ellas obtegnan nagin agid da l'assicuranza obligatorica perquai ch'ellas n'èn betg vegnidas malsaunas per raschuns professiunalas.

Ina fundaziun privata duai realisar las pretensiuns dals pertutgads e segirar a lunga vista la finanziaziun dal fond.

RR novitads 12:00

Artitgels legids il pli savens