Manaschis pitschens en il territori da muntogna pon ir per sustegn tar l’Agid svizzer per la muntogna, sch’els vulan realisar in implant solar sin lur bajetgs da manaschi.
La fundaziun surpiglia fin a la mesadad dals custs d'investiziun per implant. Quant aut ch’il sustegn è dependia dals daners da promoziun publics che stettian a disposiziun, scriva l’Agid svizzer per la muntogna.
Dumandar sustegn pon da tuttas sorts manaschis, cun maximal 49 plazzas a temp cumplain. Pia dasper manaschis purils era scrinarias, chascharias ed hotels da muntogna. Ulteriurs criteris èn vitiers ch’il manaschi dovra l’energia per ses agen affar, e che la dumonda vegn inoltrada avant da cumenzar cun las lavurs da construcziun.
