L'Administraziun federala da taglia dastga porscher agid uffizial a l'India en fatgs da taglia – er sche las datas èn eventualmain vegnidas enguladas da Hervé Falciani. Quai ha decidì il Tribunal federal e confermà uschia ina sentenzia dal Tribunal administrativ federal.
Duas persunas da l’Inda ensemen cun duas firmas colliadas avevan purtà plant, perquai ch’els eran vegnids en il visier da las autoritads da l’India entras datas enguladas. Tenor las duas persunas n'avess la Svizra betg dastga porscher agid uffizial. Il Tribunal federal è dad in auter avis: En il rom da la procedura penala cunter Falciani, na saja betg vegnì cumprovà che la Frantscha haja cumprà las datas da Falciani.
Il Tribunal federal lascha perquai avert schebain l'India ha survegnì las datas da la Frantscha en il rom da l'agid uffizial spontan u betg. Datas ch'in stadi ha cumprà aposta per cumprovar delicts fiscals, na dastgian però er vinavant betg vegnir duvradas per agid uffizial.
RR novitads 14:00
