En general sa diminueschan ils delicts da violenza en Svizra. Quai na vala dentant betg per las partiziuns d'urgenza dals ospitals. Gist persunas che vulan gidar ad autras vegnan adina pli savens noda dad agressiuns. Quai rapporta la «Sonntagszeitung».
Sin las staziuns d’urgenza dals ospitals universitars da Turitg e Berna ston ils servetschs da segirezza intervegnir pliras tschient giadas per onn. Quai pervi da pazients renitents. Dasper offensiuns ed insultas dettia dentant er attatgas corporalas e mulestas sexualas envers il persunal.
A l'Inselspital a Berna hajan ins analisà per l'emprima giada passa 80 grevs cas da violenza. Tenor quest’analisa èn ils agressurs per gronda part umens giuvens che stattan savens sut l’influenza d’alcohol u drogas.
RR novitads 06:00