Mangiativas che vegnan producidas dentant betg consumadas «Food Waste» donnegian terra, aua e clima. Quai maina tar emissiuns da CO2 ch'èn nunnecessarias.
L'Uffizi federal d'ambient UFAM ha laschà far dus studis, quantas mangiativas che van a perder en l'agricultura ed en tegnairchasa:
- En l'agricultura van mintg'onn 225'000 tonnas mangiativas a perder: Da quai pudess ins evitar 90%.
- Svizras e Svizzers sfarlattan mintg'onn var ina tonna mangiativas. Radund la mesadad da quai pudess'ins evitar. Quai correspunda mintg'onn 60 kilos rument da mangiativas per persuna.
Questas datas furmian la basa per fixar las finamiras da reducir il «Food Waste», uschia l'Uffizi federal d'ambient.
Legenda:
Il cumbat cunter Food-Waste cumenza tar l'agricultura sin l'er.
Keystone
Plan d'acziun per evitar Food Waste
L'onn 2015 ha la Svizra ensemen cun dapli che 190 stadis deliberà l'agenda UN 2030 per in svilup durabel. Cunquai è la Svizra obligada da sbassar il rument per chau fin il 2030 per la mesadad. Medemamain duai vegnir reducida la perdita da las mangiativas tar la chadaina da producziun e furniziun.
RR novitads 11:00