Siglir tar il cuntegn

Header

Navigaziun

cuntegn

Agricultura Surfatscha cultivada bio crescha

L'onn passà èn 15% da la surfatscha agricula en Svizra vegnida cultivada a moda biologica. Quai è dapli ch'il dubel ch'anc avant diesch onns. Per il Grischun mussan las cifras da l'Uffizi federal per statistica il medem trend.

Legenda:
Svilup da la cultivaziun en il Grischun RTR, tenor Uffizi federal per statistica

L'onn 2018 è 65% da la surfatscha agricula en il Grischun vegnida cultivada a moda biologica. Cumpareglià cun avant diesch onns è quai in plus da 17%. Il dumber da manaschis che fan il pur a moda biologica è dentant restà pli u main sin il medem nivel dals onns passads. Vul dir: Ils manaschis da purs da bio vegnan adina pli gronds.

Persuenter datti adina pli paucs che fan il pur a moda convenziunala. Cumpareglià cun avant diesch onns è lezza cifra sa sminuida per 30%. Il 2018 hai dà en il Grischun 2'278 purs – da quels han 971 fatg il pur a moda convenziunala e 1'307 a moda biologica.

RR novitads 12:00