La dumonda d’ieli da ravun è creschida ils ultims onns. Uss vegnia l’agricultura svizra dentant als cunfins da sia capacitad da producziun. Quai ha ditg David Brugger da l’Uniun purila svizra. Champs da ravun sajan suttaposts a parasits ed il diever da pesticids saja limità. Perquai na craja el betg che la racolta possia vegnir augmentada per uschia cuntentar la dumonda pli gronda, uschia Brugger vinavant. La Svizra e l’Uniun europeica avevan scumandà il diever da pesticids per proteger ils avieuls. Tranter auter è la dumonda da ravun s’augmentada, perquai che l’ieli da palmas è vegnì en discredit per raschuns ecologicas.
audio
Per tadlar: las novitads da las 11:00
ord RTR Audio dals 05.07.2023.
laschar ir. Durada: 3 minutas 11 Secundas.