Siglir tar il cuntegn
cuntegn

Svizra Agroscope na vegn betg centralisada

Il Cussegl federal na vul uss tuttina betg centralisar la staziun da perscrutaziun.

Plirs bajetgs.
Legenda: Il Cussegl federal na vul uss tuttina betg centralisar la staziun da perscrutaziun. Keystone

La Staziun da perscrutaziun Agroscope na vegn probabel betg centralisada. La perscrutaziun agricula duaja vegnir fatga al campus central a Posieux en il chantun da Friburg, sco er en dus centers da perscrutaziun regiunals en la Svizra tudestga e franzosa. Plinavant duaja dar staziuns da perscrutaziun decentralas. Quai ha annunzià il Cussegl federal.

El ha prendì posiziun tar ina moziun da la Cumissiun da finanzas dal Cussegl naziunal. Quella pretenda ina structura cun pliras staziuns. Ina tala structura sustegna er il Cussegl federal. Tenor el sa tractia dad in cumpromiss empermettent.

RR novitads 17:00