Siglir tar il cuntegn

Svizra Alain Berset: Attenziun dals populists da dretga

En ses pled al di da partida da la PS ha il cusseglier federal Alain Berset fatg attent al privel dals naziunalists.

El discurra.
Legenda: Attenziun dal populissem da dretga - Cusseglier federal Alain Berset admonescha en ses discurs al di da partida da la PS Svizra. Keystone

Quels n’hajan nagina resposta per ils problems da quels che hajan pli pauc – ha ditg il cusseglier federal Alain Berset. En vista a l’elecziun da Donald Trump sco president dals Stadis Unids, ha el cità a Winston Churchill. Lez aveva ditg che l’America fetschia adina il dretg, suenter ch’ella haja empruvà or tut tschai.

Populists da la dretga considereschian tuts che sajan cunter els sco elita.

Cusseglier federal Alain Berset en portrait.
Legenda: Keystone
Quai n’è betg mo postfactic, ma simplamain nunsenns.
Autur: Alain BersetCusseglier federal (PS)

Els dettian da crair da discurrer en num dal pievel – e dividian el uschia. Precis la Svizra na saja betg adattada per naziunalissem. I saja numnadamain la multifariadad culturala e linguistica che fetschia da la Svizra in pajais interessant e cun in auta qualitad da viver.

RR novitads 14:00