Siglir tar il cuntegn

Header

cuntegn

Alain Berset «Naginas novas mesiras per il mument»

Malgrà cifras creschentas resta il Cussegl federal precaut cun prender novas mesiras.

En il mument na stoppian ins anc betg decider novas mesiras, ha ditg Berset suenter in barat cun il president da la Confederaziun ed il president dals directurs a las directuras chantunalas da sanadad Lukas Engelberger.

L'augment da las infecziuns cun omicron creschian fitg ferm, ha ditg Berset vinavant. Er il dumber d'ospitalisaziuns vegnia a crescher, anc na possian ins però betg dir quantas persunas che dovrian tgira intensiva.

audio
Berset: «A nus na pari betg necessari da prender ulteriuras mesiras» (franz.)
ord RTR Audio dals 30.12.2021.
laschar ir. Durada: 11 Secundas.

Proxim pass èn serradas

Sche la situaziun sa pegiureschia possian ins dentant reagir fitg svelt, in proxim pachet cun mesiras saja gia avant maun – previs sajan tranter auter serradas. En pli ha il minister da sanadad accentuà l'impurtanza ed appellà a la populaziun da sa laschar vaccinar. Il vaccin, sco er il booster protegian dad in grev decurs da la malsogna. Impurtant saja er da reducir contacts e sa laschar testar regularmain.

Entant han divers chantuns decis da rinforzar lur mesiras, tranter auter il Vallais ed il Tessin, nua che las cifras creschan anc pli svelt ch'en ils auters chantuns.

RTR novitads 18:00

Artitgels legids il pli savens

Scrollar a sanestra Scrollar a dretga