Siglir tar il cuntegn

Header

Alain Berset cun mascrina.
Legenda: Alain Berset ha visità il mardi il center da contact tracing dal chantun Zug. Keystone
cuntegn

Alain Berset «Nus stuain far attenziun tar occurenzas privatas»

La situaziun areguard il coronavirus en Svizra na saja betg simpla, ha ditg Alain Berset a Zug, suenter che l'Uffizi da sanadad ha annunzià il mardi 700 novas infecziuns. Per ils contact tracers saja quest augment ina gronda sfida. I dettia dentant grondas differenzas tranter ils chantuns e las regiuns.

«Igl è da far adatg en l'ambient privat»

Bleras infecziuns capitian en il conturn privat. Tar festas privatas vegnia bleras giadas negligì il respect da la malsogna. Quai saja logic, giaja dentant encunter las stentas da las autoritads. Er en il conturn privat saja perquai da resguardar las mesiras da segirezza e da star attent, ha concludì Berset.

video
Berset: «Nus stuain far attenziun tar occurenzas privatas»
Or da News-Clip dals 06.10.2020.
laschar ir

BAG annunzia il mardi 700 novas infecziuns

L’Uffizi federal da sanadad BAG annunzia oz 700 novas infecziuns da corona en Svizra ed il Principadi da Liechtenstein. Ulteriurs mortoris n’haja betg dà. La media da set dis è tenor SRF Data 40 pertschient pli auta cumpareglià cun avant in’emna.

Il chantun Grischun annunzia 7 ulteriurs cas confermads. Tut en tut datti 50 cas activs en il Grischun – la gronda part en la regiun Malögia.

RTR novitads 14:00

Artitgels legids il pli savens

Scrollar a sanestra Scrollar a dretga