Siglir tar il cuntegn

Header

cuntegn

Alcohol al guvernagl Dapli accidents pervi d'alcohol en la Svizra franzosa

En Svizra franzosa hai dà l'onn passà dapli accidents da traffic pervi d'alcohol ch'en Svizra tudestga. Ils pli blers, numnadamain bun otg accidents sin 100'000 abitants hai dà en il chantun Genevra.

Il segund bler accidents pervi d'alcohol hai dà en il Vallais cun 6,7 sin 100'000 abitants e sin posiziun trais è l'Appenzell Dadora cun 6,2. Quai mussa la statistica da l'Uffizi federal da vias Astra. La media Svizra è sin quatter accidents. Sur questa media èn ils chantuns Basilea-Citad, Giura, Neuchâtel, Schaffusa, Sutsilvania e Tessin e cleramain sut la media èn ils chantuns Lucerna (1,5), Basilea-Champagna (2,1), Glaruna, Grischun e Sviz cun mintgamai (2,5).

Il chantun Turitg ha registrà l'onn passà 3,2 accidents, il chantun Berna 3,6 ed exact sin la media svizra è il chantun Son Gagl.

Insumma nagins accidents pervi d'alcohol hai dà en ils chantuns Appenzell Dadens ed Uri.

RTR novitads 11:00