Siglir tar il cuntegn

Header

cuntegn

Alertswiss Ristg pervi da dependenza da l'exteriur

Ina firma a Francfurt en Germania porscha la schliaziun tecnica per che l'app d'alarm possia trametter tar catastrofas da natira u autras situaziuns da crisa en curt temp in alarm a blers telefonins en la regiun. Questa situaziun saja ristgada en situaziuns d'urgenza, mussa in rapport.

Il Departament federal da defensiun crititgescha l’applicaziun d’urgenza «Alertswiss». Quai demussan retschertgas da SRF Investigativ. Problematic saja ch’ina firma tudestga saja involvida tar la derasaziun da messadis da push. Quai pudess esser in problem, sche sistems a l’exteriur vegnian interruts – constatescha in rapport d’examinaziun intern dal departament da defensiun.

Per quest motiv recumonda el a l’Uffizi federal da la protecziun da la populaziun d’examinar, sch’ina firma en Svizra pudess trametter ils messadis da push. Uschia vegniss quest ristg minimà.

Finanzialmain betg realisabel

Tenor l’uffizi responsabel na dettia actualmain nagina firma en Svizra che pudess far quai. En pli fissi fitg char da stgaffir ina tala purschida. Plinavant fa l'uffizi er attent ch'ina app na saja uschè u uschia betg in servetsch resistent per crisas perquai ch'el sa basia sin sistems da Google ed Apple. Pia er cun ina firma svizra per distribuir ils pushs, fiss l'app anc adina dependenta da sistems da l'exteriur.

Avertiments d'aura èn il pli tard dapi la catastrofa d'inundaziuns da l'onn passà en Germania en ils chaus da la glieud e vegnan savens discutads. Avant in onn avevan numnadamain desditg ils sistems da las autoritads ed alarmar la glieud n'ha u insumma betg funcziunà u be parzialmain u memia tard. Var 200 persunas han pers lur vita en las inundaziuns.




Ord l'archiv:

audio
Digitip – «Alertswiss» per cas urgents
ord Tips, trics e tacs dals 29.10.2018. Maletg: Keystone
laschar ir. Durada: 3 minutas 19 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga