Gerhard Pfister resta uschia enfin il 2024 a la testa da la partida. Ils delegads da partida al han reelegì a chaschun da la radunanza, ch’è stada en quatter differents lieus.
La reelecziun è succedida senza discussiun: cuntercandidatas e cuntercandidats n’hai numnadamain dà nagins. La decisiun è stada uschè clera – che l’Allianza dal Center n’ha gnanc fatg las stentas da dumbrar ora las vuschs.
Represchentanza grischuna
Il president da partida da l’Allianza dal Center grischuna, Tino Schneider – han delegadas e delegads confermà en il presidi naziunal. Sa retratg è tranter auters il cusseglier naziunal grischun Martin Candinas.
Ulteriur engaschi en favur da pèrs maridads
Adina puspè ha l'anteriura PCD cumbattì la discriminaziun da pèrs maridads areguard taglias ed AVS, sco la partida argumentava sias stentas. La sonda han ils delegads da l'Allianza dal Center puspè reprendì la tematica – els han decidì da far duas iniziativas popularas per far svanir la discriminaziun pretendida.