Siglir tar il cuntegn

Header

cuntegn

Svizra Almain 4 morts suenter grev accident al Gottard

Avant il portal sid dal tunnel dal Gottard hai dà in grev accident. Almain 4 persunas èn mortas en l’auto ch’è vegnì smatgà tranter dus camiuns. L'autostrada A2 resta probablamain serrada tut la notg.

Paucs kilometers avant il portal sid dal tunnel dal Gottard hai dà in grev accident sin l’autostrada A2 cun dus camiuns ed in auto da persunas. Sco quai che la polizia tessinaisa communitgescha, ha in camiun cun numers talians tutgà da davos in auto da persunas cun numers tudestgs. Quel è lura vegnì stuschà sut in camiun svizzer.

Forsa anc dapli unfrendas

Almain quatter persunas èn mortas en l’auto ch’è vegnì smatgà tranter ils dus camiuns, ha ditg la polizia chantunala dal Tessin sin dumonda da l’agentura da novitads svizra sda. Forsa dettia quai anc dapli unfrendas.

Autostrada resta serrada

L'autostrada A2 resta probablamain serrada tut la notg. Ils dus camiuns implitgads en l'accident sajan chargiads cun aua e granit. Quels stoppian ins l'emprim stgargiar, ha communitgà il servetsch d'infurmaziun da traffic Viasuisse.

RR novitads 15:00+

Artitgels legids il pli savens