Il medem temp da l'onn passà ha Alpiq anc fatg in minus da 109 milliuns. Il resultat da gestiun (EBITDA) avant effects spezials è sa reducì da 135 milliuns sin 93 milliuns francs.
Ils pretschs d'electricitad ch'eran vegnids fixads l'onn passà han gì in'influenza negativa sin il gudogn. Quai ha communitgà il concern d’energia.
Percunter ha il concern d'energia Alpiq pudì tegnair la svieuta da l'onn passà. Cun 2,6 milliardas francs l'emprim mez onn è quella restada stabila.
Per l’entir onn da fatschenta quinta Alpiq cun in resultat operativ pli bass che l’onn passà. Quai en consequenza dals pretschs d’electricitad fixads.
RR novitads 09:00