Alpiq fa pensiers e pretenda indemnisaziuns

Sch’il pievel svizzer acceptass la fin november l’iniziativa per sortir da l’energia nucleara alura fiss ils donns economics per Alpiq gronds. Perquai pretenda l’interpresa d’electricitad e quest cas indemnisaziuns – ella suonda al exempel da ses concurrent l’Axpo.

Il logo da Alpiq. Bild in Lightbox öffnen.

Legenda da maletgs: Uss pretenda era l'Alpiq indemnisaziuns sche l'iniziativa per sortir da l'energia nucleara vegn approvada. Keystone

Suenter il concern d'energia Axpo pretenda ussa er il concurrent Alpiq ina indemnisaziun sche l'iniziativa da sortir da l'energia atomara vegn acceptada il november.

La moda e l'autezza da quella stoppian dentant vegnir examinadas cura che quai saja uschè lunsch communitgescha Alpiq.

Il concern quinta cun in donn da circa 2,5 milliardas francs. In dal donn finanzial stoppia vegnir indemnisà, scriva il concern.

Custs fix restan era tar ina sortida

Il concern d’energia haja calculà tut las variantas per ina sortida da l’energia nucleara. Da tschentar giu voluntari las ovras atomaras anticipadamain na vegnia l’interpresa betg da purtar. Ils custs fix restassan era sche las ovras atomars vegnissas tschentadas giu ma las entradas mancassan, quai il facit da las retschertgas da l’Alpiq.

Cumparts vida Gösgen e Leibstadt

Il concern d’energia e cumpiglià cun 40% vida l’ovra atomara a Gösgen ed a Leibstadt cun 32,4%. Questas duas ovras atomaras han nagina limita da permissiun e sch’ellas vegnissan tschentadas giu suenter ina durada da 45 onns alura n’avessan ellas anc betg cuntanschì lur zenit, uschia l’opiniun da l’Alpiq.

RR novitads 11:00