Siglir tar il cuntegn

Svizra Alpiq venda cumpart

Il concern d'energia Alpiq sa separa da sia fatschenta d'industria.

Logo dad Alpiq.
Legenda: Alpiq venda ina cumpart da sia fatschenta. Keystone
  • Alpiq ha chattà in cumprader per sia sparta da tecnica d'edifizis Intec.
  • Per radund 850 milliuns francs cumpra il concern da construcziun franzos Bouygues.
  • Grazia a questa surpigliada daventa Bouygues il numer 1 en la tecnica da bajetgs en Svizra.

Per radund 850 milliuns francs venda Alpiq sias figlias da tecnica da bajetgs Alpiq Intec e la gruppa tudestga Kraftanlagen al concern da construcziun franzos Bouygues Construcziun. La transacziun porschia novas perspectivas per 7'650 collavuraturs. Quai ha communitgà Alpiq.

Alpiq davart la vendita

Uschia conferma il concern divers rapports da medias da la dumengia. La vendita duai vegnir realisada en la segunda mesadad da l'onn. Entras la vendita sa focussescha Alpiq sin sia fatschenta principala, la producziun d'electricitad en Svizra.

RR novitads 08:00