Il concern d’Energia Alpiq venda las duas ovras d’energia da charvun Kladno e Zlín en la Tschechia. Quai per radund 280 milliuns euros (var 310 milliuns francs) a la Sev.en Energy Group. L'Alpiq quinta cun in augment net da radund 250 milliuns euros. Quai dentant be, sche la cumissiun da concurrenza da la Tschechia accepta la vendita.
Ils daners duajan vegnir investids en il svilup sco er per optimar la bilantscha, ha communitgà l’Alpiq.
Premissas per vendida èn avant maun
Il concern aveva l'october 2018 annunzià d'examinar la vendita da las ovras d'energia da charvun. Il cussegl d'aministraziun saja uss sa decidì da vender las duas ovras perquai che las premissas per la vendita sajan ademplidas. Tar omaduas ovras d'energia da charvun tegna l'Alpiq 100%.
RR novitads 08:00
