Siglir tar il cuntegn

Header

In maun che prenda ina bancnota da 50 ord in bancomat.
Legenda: Las veglias bancnotas da 50 èn in zichel pli grondas che las novas ch'arrivan bainbaud. Keystone
cuntegn

Svizra Als bancomats mancan las notas da 50 francs

Ils 12 d’avrigl vegnan introducidas las novas bancnotas da 50. Quai procura per midaments als bancomats. Las bancnotas novas èn numnadamain pli pitschnas.

Adattar ils endrizs a las novas bancnotas

Cunquai che las novas bancnotas èn in zichel pli pitschnas, ston las bancas er installar chaschuttas pli pitschnas.

Uschia sto per exempel la Raiffeisen far quai tar lur passa 1’600 bancomats en Svizra. Ils midaments custan, tut tenor model da bancomat, tranter 175 e 450 francs. Per adattar tut ils bancomats dovran las bancas trais fin tschintg dis.

Ils ins fan avant, ils auters suenter

La PostFinance ed er la Raiffeisen midan lur apparats pir suenter che las novas notas èn introducidas, vul dir suenter ils 12 d’avrigl. Uschia èn ils bancomats mo durant in tschert temp senza notas da 50. La banca Valiant per exempel mida gia ussa sin las novas notas ed ha uschia fin ils 12 d’avrigl naginas bancnotas da 50 che vegnan or dal bancomat.

RTR/gmm/alb

Artitgels legì il pli savens

Nach links scrollen Nach rechts scrollen