Siglir tar il cuntegn

Header

audio
Ambassadur svizzer è turnà da Kiev
Or da Actualitad dals 04.03.2022.
laschar ir. Durada: 3 minutas 34 Secundas.
cuntegn

Ambassadur da l'Ucraina Claude Wild: «Jau sun trist per l'Ucraina e per quai ch'è capità»

L’ambassada svizra era ina da las ultimas ch’era restada a Kiev. Cun la situaziun pli precara en la chapitala Kiev ha dentant er l’ambassadur Claude Wild decis da turnar. Mesemna saira è el rivà en Svizra.

La decisiun da bandunar l'ambassada na saja betg stada simpla. Uschè ditg sco pussibel saja Claude Wild stà en l'Ucraina per gidar cun agid umanitar e per pudair evacuar uschè bleras Svizras e Svizzers sco pussibel. Bleras collavuraturas e collavuraturs locals da l’ambassada han decis da star a Kiev – ins saja trasora in contact cullas persunas.

Arrivà en Svizra, en l'intervista cun SRF, sa mussa el consternà.

Jau sun trist per l'Ucraina e per quai ch'è capità. [...] e jau sun er ravgià envers la stupiditad da l'umanitad, che chaschuna uschia insatge.
Autur: Claude Wild Ambassadur svizzer a Kiev

Sin la dumonda, sco ch'i giaja persunalmain cun el, di Claude Wild, ch'ins n'haja gnanc gì temp da far patratgs davart quai. Stabs da crisa, ils protocols per evacuar l'ambassada u la coordinaziun cun autras ambassadas hajan duvrà tutta attenziun.

Puspè turnar en Ucraina

L'ambassadur veglia dentant turnar uschè svelt che pussibel puspè en l'Ucraina. Durant quests dis vegn lavurà vid in concept, che duess pussibilitar da turnar puspè. «Fertant che l'Ucraina ha ina regenza che vegn reconuschida», uschia Claude Wild, «sun jau l'ambassadur». Sch'els turnan puspè a Kiev n'è betg enconuschent. Els veglian lavurar da quel lieu anor, nua ch'igl è il pli effizient. Nua che quai è, vegn evaluà quests dis a Berna.

video
Ambassadur Svizer è turnà da Kiev (SRF)
Or da News-Clip dals 03.03.2022.
laschar ir. Durada: 3 minutas 6 Secundas.

RTR actualitad 12:00

Artitgels legids il pli savens