Per che reciclar PET funcziunia vinavant uschè bain sco enfin qua, stoppia la populaziun vegnir sensibilisada. Adina dapli buttiglias da PET sa platgan en la rimnada da plastic maschadada ed autras buttiglias da plastic en la rimnada da buttiglias da PET. Uschia saja il sistem da rimnar pli e pli periclità. Da quest avis è il Cussegl federal.
Planisads èn tranter auter spots a la televisiun sco era campagnas da placats, online e Social-Media. I dettia numnadamain adina dapli purschidas per rimnar da tuttas sorts rauba sintetica e là sa tschentian savens era buttiglias da PET.
50'000 lieus da rimnada
En Svizra vegnan recicladas mintg'onn enturn 40'000 tonnas buttiglias da PET. Quai correspunda ad ina quota dad 80%. I dat radund 50'000 lieus da rimnada quai tar detaglists, biros, scolas u implants da temp liber. L'uniun PET Recyling da la Svizra vul en lieus bain frequentads sco staziuns da tram e bus crear 4'000 novs lieus da rimnada.
Ord l'archiv
Ina visita en la fabrica da producziun a Frauenfeld.
RTR novitads 14:00