Siglir tar il cuntegn

Header

cuntegn

Amez traffic da Tschuncaisma Il tunnel dal Gottard puspè avert

Il tunnel dal Gottard è stà serrà en omaduas direcziuns pervi d'in incendi d'in auto. Il mument datti anc colonnas.

Curt suenter l'entrada dal tunnel al portal sid aveva in vehichel piglià fieu. La polizia smina ch'in vehichel pli vegl ha piglià fieu, sco SRF scriva sin sia pagina d'internet. Persunas n'èn betg vegnidas blessadas. Uss è il tunnel puspè avert, i dat dentant colonnas.

Tut quai capita amez il traffic da Tschuncaisma: Curt suenter mezdi munta la colonna en direcziun nord, tranter Faido ed Airolo a 9 kilometers - quai munta per automobilistas ed automobilists in temp da spetga da passa duas uras.

La polizia cusseglia da sviar sin la ruta dal San Bernardino, pia la A13 tras il Grischun.

Situaziun en Grischun

Dentant era sin las vias grischunas stagnescha il traffic. Sin l'autostrada datti colonna sin plirs trajects en direcziun Cuira uschia tranter Lostallo ed il San Bernardino e tranter Tusaun nord e Rehanau.

Per transportar l'auto tras il tunnel dal Veraina na datti il mument nagin temp da spetga, ni a Sagliains ni a Selfranga.

RTR novitads 12:00

Artitgels legids il pli savens