Siglir tar il cuntegn

Header

Navigaziun

Amherd
Legenda: Viola Amherd tschertga il discurs cun tut ils involvids. Keystone
cuntegn

Svizra Amherd vul chastiar fans violents

Suenter ils cravals tar il gieu da ballape Sion cunter ils Grasshoppers pitga la cussegliera federala Viola Amherd sin maisa.

La ministra da sport, Viola Amherd vul radunar vid ina maisa ils clubs da ballape, ils clubs dals fans, la liga da ballape e l'associaziun dals ballapedists. Uschia è Viola Amherd s'exprimida en l'emissiun Samstagsrundschau da radio SRF.

Tge ch'è capità [a Sion] na pon ins betg tolerar. Giugaders da ballape ed auters visitaders avessan pudì vegnir blessads – grev blessads.
Autur: Viola AmherdCussegliera federala

Be da discutar a la maisa radunda na tanschia però betg, uschia Amherd. Perquai datti tenor ella be in med cunter la violenza da fans, numnadamain da tgisar consequentamain fans violents. I dovria ina persecuziun penala. Amherd sa er s'imaginar che polizia è preschenta en il stadion, tge che n'è il mument betg il cas. Ella veglia però er considerar autras mesiras. Cura che l'inscunter a la maisa radunda duaja avair lieu n'è anc betg cler.

La sonda passada ha l'arbiter stuì rumper giu il gieu Sion encunter ils Grasshoppers. Fans avevan randalà e dà fieu al pastg cun pyros.

RR novitads 15:00