Cun dir gie al scumond da far reclama da tubac, haja il suveran svizzer dà in signal ferm per proteger la sanadad d'uffants e giuvenils, scrivan ils auturs da l'analisa VOX. Perquai prendian svizras e svizzers er en cumpra ch'occurrenzas survegnan pli paucs daners ord reclamas a disposiziun. Er ina gronda part da quels ch'han votà Na al scumond sajan dentant da l'avis, ch'igl è impurtant da proteger uffants e giuvenils e da promover in svilup sanadaivel.
Pachet da mesiras per las medias
L'argument central encunter il pachet da mesiras en favurs da las medias saja stà, che dapli daners avessan muntà dapli dependenza da dependenza da daners publics. Per gronda part ditg Gea al pachet da medias hajan persunas cun simpatia per partidas sanestras (PS, GLP, Verds) e persunas cun ina auta fidanza en medias localas, regiunalas e concerns da medias. Tar la maioritad tutgavan dentant surtut persunas pli veglias, aderents da las partidas PLD e PPS e persunas che n'han betg uschè gronda fiduzia en concerns da medias, uschia ils resultats da l'analisa.
La participaziun a las votaziuns dals 13 da favrer saja stà tar 44% – ina cifra relativ bassa, uschia ils auturs da l'analisa. Sco congual: Tar las votaziun davart la lescha da Covid-19 (november 2021) era la participaziun tar 65,7%. Tenor ils auturs n'hajan las votaziuns dal favrer betg gì uschè ina auta muntada.
