Siglir tar il cuntegn

Header

cuntegn

Svizra Anc adina blers che cumpran autos da VW en Svizra

Il scandal da svapur dal concern d’autos tudestg Volkswagen ha sco i para fin ussa be pitschnas influenzas sin la vendita d’autos dal importader general da VW Amag en Svizra.

Il scandal da svapur n’ha sco i para betg grondas influenzas sin la vendita d’autos dal importader general da VW en Svizra Amag.

Sco quai ch'il schef da la gruppa da Amag Morten Hannesbo ha ditg envers la gasetta Tagesanzeiger n’hajan els betg vendì bler pli paucs autos ch’ils ultims onns malgrà las novas negativas.

El craja dentant schon ch’els hajan pers clients ils ultims mais enturn 5%, ha ditg Hannesbo.

Era haja il scandal il mument anc betg manà tar ina midada tar l’elecziun dals motors davent dal motor da diesel. En general cumpria la clientella quai ch’els basegnian, ha ditg il schef dad Amag Hannesby, che importescha las marcas da VW, Audi, Skoda, Seat, Porsche e Bentley en Svizra.

RR novitads 11:00

Artitgels legids il pli savens