La Cumissiun per la politica da segirezza dal Cussegl naziunal pretenda dapli guardias da cunfin. Tenor indicaziuns dals Servetschs dal parlament ha la Cumissiun ditg GEA cun 13 cunter 12 vuschs ad in'iniziativa dal chantun da Basilea-Champagna.
Pervi da migrants illegals e turists criminals vesa la Cumissiun in deficit da segirezza considerabel en ils territoris da cunfin. Il Cussegl dals chantuns aveva gia approvà l'iniziativa. Gia avant aveva il Cussegl federal decidì d'augmentar il corp da guardias da cunfin enfin l'onn 2017 per 130 plazzas. Schebain i duai uss dar anc dapli plazzas n'è anc betg cler.
