Davart l'iniziativa parlamentara da Nadine Masshardt da la PS da Berna decida uss il cussegl naziunal. Sche quel accepta ella, spetga il proxim obstachel: La cumissiun per politica statala dal cussegl dals chantuns è dacurt stada cleramain cunter ina refurma da la regenza.
Ils aderents argumenteschan che sulettamain in augment sin 9 commembers u commembras possia garantir la concordanza a lunga vista. Er possian ins resguardar meglier la relaziun da forzas politicas en il parlament.
Ils adversaris èn da l'opiniun ch'engrondir il gremi na saja betg la schliaziun universala. Ina refurma stoppia garantir ch'il collegi funcziuneschia er vinavant.
La davosa giada ha il Cussegl naziunal refusà 2016 ina iniziativa parlamentara correspundenta.