Siglir tar il cuntegn
cuntegn

Svizra Anc nagina decisiun davart ils departaments

foto da gruppa
Legenda: Sco'i para n'èn Alain Berset, Ueli Maurer, Simonetta Sommaruga, Guy Parmelin, Ignazio Cassis e las nov-elegidas Viola Amherd e Karin Keller-Sutter anc betg vegnids perina. Keystone

Il Cussegl federal n'ha anc betg chattà ina decisiun davart la repartiziun dals departaments. Suenter las demissiuns da Doris Leuthard e Johann N. Schneider-Ammann èn ils departaments da traffic, energia e communicaziun sco er il departament d'economia, furmaziun e perscrutaziun vacants.

Ils cussegliers en uffizi pon giavischar – pia midar – tenor il principi dal temp d'uffizi. Las novas cusseglieras federalas, Viola Amherd e Karin Keller-Sutter han lura da prender quai che resta, Amherd avant Keller-Sutter.

Quai munta la successiun suandonta:

  1. cusseglier federal Ueli Maurer (PPS/ZH) – actualmain schef dal departament da finanzas
  2. cussegliera federala Simonetta Sommaruga (PS/BE) – actualmain scheffa dal departament da giustia e polizia
  3. cusseglier federal Alain Berset (PS/FR) – actualmain schef dal departament da l'intern
  4. cusseglier federal Guy Parmelin (PPS/VD) – actualmain schef dal departament da defensiun, protecziun da la populaziun e sport
  5. cusseglier federal Ignazio Cassis (PLD/TI) – actualmain schef dal departament d'affars exteriurs
  6. Viola Amherd (PCD/VS) – actualmain cussegliera naziunala
  7. Karin Keller-Sutter (PLD/SG) – actualmain cussegliera dals chantuns

Dad occupar èn ils departaments dals dus partents:

  • il departament federal per ambient, traffic, energia e communicaziun da la cussegliera federala partenta Doris Leuthard (PCD/AG),
  • departament federal d'economia, furmaziun e perscrutaziun dal cusseglier federal partent Johann N. Schneider-Ammann (PLD/BE).

RR novitads 18:00