Svizra - Anc naginas consequenzas per il martgà d’immobiglias
La politica monetara da la banca naziunala svizra n'ha enfin uss gì nagin'influenza sin il martgà d'immobiglias svizzer. Quai mussa in nov index da la plattafurma d'internet ImmoScout24.
Il schaner mussa l'index in minus da 0,5% tar ils pretschs per chasas d'ina famiglia. Ils pretschs per abitaziuns da proprietad èn però creschids per 0,3%.
Il martgà d'immobiglias n'haja anc betg reagì sin las ultimas decisiuns da la banca naziunala, hai num en ina communicaziun.
