L'idea principala è da colliar meglier cun il traffic public la regiun da vacanzas da Andermatt. In pussaivel project è ina pendiculara da Göschenen sin il Gütsch, ed uschia in access direct en il territori da skis Andermatt-Sedrun. Quella ha adina fatg part dal project da Samih Sawiris, da schlargiar la regiun da skis Andermatt.
In’autra varianta fiss d’augmentar las capacitads da la Viafier Matterhorn Gottard tranter Göschenen ed Andermatt. Anc quest onn prevesan ils involvids, tar tge varianta ch’els vulan far examinaziuns pli profundas.
Communitgà las novas ideas enturn la regiun da vacanzas da Andermatt han la SBB ed il chantun Uri. Els lantschian uschia ensemen cun las vischnancas Göschenen ed Andermatt, la Andermatt-Urserntal Tourismus GmbH, la Andermatt-Sedrun Sport SA, la Andermatt Swiss Alps SA e la Viafier Matterhorn Gottard lur «perspectiva da destinaziun Göschenen-Andermatt 2030».
RTR novitads 17:00