Quest volumen correspunda a radund la mesadad da las abitaziuns da vacanzas en la destinaziun d'Andermatt. Perquai che la dumonda per abitaziuns saja creschida, veglian ins uss accellerar il svilup, ha declerà il CEO da l'interpresa Raphael Krucker.
Ils proxims mais vul Andermatt Swiss Alps surdar 130 novas abitaziuns. Per ademplir la gronda dumonda d'abitaziuns vulan ins engrondir la surfatscha da bajegiar sin 20'000 meters quadrat. En total duai dar 16 novas chasas d'abitaziuns. Cun la construcziun veglian ins cumenzar il zercladur 2022. Tar la construcziun vegn risguardà durabilitad. Ils bajetgs vegnan bajegiads en standard minergia. Per las chasas vegn duvrà blera laina.