Siglir tar il cuntegn

Header

audio
Saira: André Blattmann sa retira per la fin da mars 2017
Or da Actualitad dals 23.03.2016.
laschar ir. Durada: 03:19 minutas.
cuntegn

Svizra André Blattmann sa retira

Il schef da l’armada André Blattmann sa retira da ses uffizi per ils 31 da mars 2017. La successiun da Blattmann (60) n’è anc betg fixada. Quai ha annunzià il minister da defensiun Guy Parmelin ad ina conferenza da medias.

Il schef da l’armada André Blattmann sa retira da ses uffizi, quai sin la fin da mars 2017. Il Cussegl federal haja da ses consentiment per ina «schliaziun da la relaziun da lavur en enclegientscha», scriva il Departament da defensiun (VBS). Davart la successiun da Blattmann vul la regenza decider pli tard.

Successiun duai vegnir eruida d'ina cumissiun da tschertga

Blattmann (60) è dapi il mars 2009 schef da l’armada. La vegliadetgna regulara da pensiun cuntanscha el pir il 2018. Blattmann survegnia suenter sia extrada in salari annual tenor determinaziun giuridica, uschia il VBS en in communitgà.

Ad ina conferenza da medias ha il minister da defensiun Guy Parmelin ditg che la successiun da André Blattmann duai vegnir eruida entras ina cumissiun per tschertga. Blattmann sez na vegnia betg a far part da questa cumissiun, uschia Parmelin.Tenor el hajan ins en egl buns candidats.

Blattmann davart la funcziun dal schef da l'armada

«Per regla è la funcziun dal schef da l’armada in’uschenumnada utilisaziun finala. En quel reguard n’hai jau insumma nagins problems cun quai. Perquai èn gist las decisiuns en connex cun il svilup da l’armada gea vegnidas manadas dal commando da l’armada. Tgi che vegn era adina a daventar schef da l’armada – uschia pon ins dir – i dat ina continuitad.»

RR novitads 14:00

Artitgels legids il pli savens

Scrollar a sanestra Scrollar a dretga