Suenter ses gronds success cun l’ustaria en il chastè da Schauenstein a Farschno, avra Andreas Caminada quest’emna sia segunda ustaria. Il num è Igniv e l’ustaria è en il Grand Resort a Bogn Ragaz. Il cuschinunz renumà vegn a mirar sperasvi mintgadi en l’ustaria.
Schef da cuschina n’è dentant betg el, mabain il giuven da 26 onns Silvio Germann. El maina la cuschina cun 4 cuschiniers, en il service è in sommélier e 4 servients en acziun.
audio
Bunura: Igniv - Il concept da la nov'ustaria d'Andreas Caminada
02:38 min, ord Actualitad dals 15.12.2015.
laschar ir. Durada: 2 minutas 38 Secundas.
audio
Saira: Nov'ustaria da Caminada - Igniv a Bogn Ragaz
02:39 min, ord Actualitad dals 14.12.2015.
laschar ir. Durada: 2 minutas 39 Secundas.
Il concept è pulit different a quel da l’ustaria existenta. En l’ustaria Igniv vegnan tut las spaisas servidas sin plattas ni en stgadellas sin maisa. Mintgin po lura sa servir sez ed uschia empruvar bleras differentas spaisas. Quai è in concept uni per in’ustaria da gourmet.