Il CEO da la SBB, Andreas Meyer sa retira sin la fin dal 2020. Quai ha el communitgà a la conferenza da medias davart las cifras da semester.
La demissiun n'haja però da far nagut cun quai ch'è capità las ultimas emnas e l'accident mortal pervia d'ina porta che n'ha betg funcziunà.
Igl è uras da metter uschia ils binaris.
Meyer demissiunescha pia cun 58 onns. Sco el di saja quai bun da chalar avant 60. Auters sajan vegnids ed ids. El veglia sez pigliar l'iniziativa e betg spetgar fin ch'el sto ir.
Andreas Meyer è dapi il 2007 a la testa da las Viafiers federalas.
Resultat sa reducì
Il concern ha plinavant communitgà las cifras da semester. Il resultat è sa reducì per 4,5% sin 279 milliuns francs. Cun prest 1,3 milliuns persunas, ha la SBB transportà prest 4% dapli passagiers ils emprims 6 mais da l'onn.
RR novitads 11:00