- Andri Silberschmidt vegn a dar giu il presidi dals Giuvens liberals svizzers sin la fin da l'onn.
- Il giuven da 25 onns candidescha per il Cussegl naziunal.
Il president dals Giuvens liberals svizzers Andri Silberschmidt ha declerà sia demissiun sin la fin da l'onn. El era president da la partida dapi il mars 2016. Uschia veglia el evitar ch'el vegnia recepì sco politicher giuven professiunal. Quai ha ditg Silberschmidt envers la «NZZ am Sonntag». Tenor la gasetta è il dumber da commembers da partida s'augmentà da 1'500 sin 3'500.
Il president dal Giuvens liberals candidescha il mument è per il Cussegl naziunal sin la glista da la PLD da Turitg, plinavant sesa en il parlament da la citad da Turitg.
Giuvens liberals per iniziativa dal pievel
Actualmain rimnan ils Giuvens liberals suttascripziuns per in'atgna iniziativa dal pievel: La vegliadetgna da rentas duai per il mument vegnir auzà sin 66 onns e silsuenter vegnir colliada cun la media da las aspectativas da vita.
Andri Silberschmidt declera il sistem dal provediment da vegliadetgna dals Giuvens liberals.
Ord l'archiv
Il teater en furma d'in drama da la refurma da rentas dals adversaris da la refurma. Teaters u autras acziuns per gudagnar vuschs datti adina pli savens. Per ils ins in flop e per ils auters top.
RR novitads 06:00