Siglir tar il cuntegn

Header

cuntegn

Animals e plantas protegidas Chastis pli severs per commerzi illegal

Tgi che fa commerzi illegal cun animals e plantas protegidas sto davent dal 1. da mars quintar cun sancziuns pli severas. Il Cussegl federal ha mess en vigur las midadas da las leschas correspundentas, sco el ha decis en la sesida emnila.

Las restricziuns sa basan sin la convenziun da Washington che reglescha il commerzi internaziunal dad animals ni da plantas ch'èn periclitadas da svanir per adina. La Svizra è dapi il 1975 commembra da la convenziun. Actualmain dumbra quella radund 5'000 animals e 28'000 sorts da plantas. Tranter auter èn da chattar sin las glistas tuttas balenas e tartarugas da mar sco era diversas sorts da cactus ed orchideas.

Da nov act criminal

Cun la midada vala il commerzi illegal cun talas spezias sco act criminal per il qual las dretgiras pon decretar in chasti da fin tschintg onns praschun. Era tgi ch'importescha senza lubientscha talas spezias per diever privat sto quintar cun multas pli severas, fin a praschun. Midadas datti er per persunas Midadas datti era per allevaturs svizzers, pia per persunas che train talas plantas. Ellas ston ussa cumprovar ch'ils animals e las plantas ch'els possedan èn d'origin legal.

audio
Per tadlar curt e cumpact
ord RTR Audio dals 26.01.2022.
laschar ir. Durada: 1 minuta 15 Secundas.

RTR novitads 12:00

Artitgels legids il pli savens