Siglir tar il cuntegn

Header

cuntegn

Anna Pia Maissen Ina carriera sco ord il cudesch

A Turitg va ina carriera quasi sco ord il cudesch a fin: Anna Pia Maissen ha cumenzà sco collavuratura scientifica en l'archiv da la citad da Turitg, ha pli tard surprendì ina partiziun e a la fin daventada directura. La fin dal mais va ella en pensiun.

video
Anna Pia Maissen: Ina carriera sco ord il cudesch
Or da Telesguard dals 22.03.2022.
abspielen. Laufzeit 3 minutas 20 Sekunden.

Suenter ses studi d'istorgia è Anna Pia Maissen sa tschentada plitost per casualitad en l'archiv da la citad da Turitg sco collavuratura scientifica. Da quel temp na deva quai anc betg ina scolaziun sco archivaria. «Jau sun vegnida bittada en l'aua fraida», di la dunna, ch'è oriunda da Cuira. L'emprim ha ella gì d’etichettar stgatlas, tagliar artitgels or da gasettas e deponer quels cronologicamain. Pli tard ha ella pudì cumenzar a valitar ils documents. L'interess per quai ch'ella ha archivà saja adina stà fitg grond.

Jau sun ina persuna mirvegliusa – per mai è quest archiv in bellezza lieu da lavur».
Autur: Anna Pia Maissen Directura dal archiv da la citad da Turitg

Il mund digital

Il 2003 è Anna Pia Maissen daventada scheffa dal archiv da la citad da Turitg. «Jau hai gì gust d'empruvar insatge nov en in ambient ch'jau enconuscheva gia». Uschia haja ella gì la pussaivladad da vesair pliras fassettas da sia lavur. La chaussa la pli impurtanta per ella è stà, da manar l'archiv en ina èra digitala. «Mia idea è da pudair tractar las datas analogas tuttina sco las datas digitalas», di la dunna che va la fin dal mais en pensiun.

RTR Telesguard 17:40

Artitgels legids il pli savens

Scrollar a sanestra Scrollar a dretga