L'expert dal dretg internaziunal e professer emerità, Luzius Wildhaber è mort mardi passà. Oz ha sia famiglia publitgà l'annunzia da mort en la gasetta «Neue Zürcher Zeitung». Wildhaber aveva 83 onns.
Il 1991 è Wildhaber daventà derschader al Tribunal europeic dals dretgs umans a Strasbourg. Dal 1998 fin il 2007 è el stà l'emprim president en uffizi cumplain dal tribunal.
Latiers è el tranter auter stà schef da stab da la cumissiun d'experts per la revisiun totala da la Constituziun federala, e commember da numerusas cumissiuns d'experts e da dretgiras da cumpromiss internaziunalas.
Ord l'archiv
video
Intervista cun Luzius Wildhaber
Or da Rundschau dals 02.08.2006.
laschar ir. Durada: 9 minutas 42 Secundas.