Il nov post d’annunzia naziunal porscha online e cun ina hotline da telefon la pussaivladad dad annunziar cas da violenza en furma anonima. Il post sa numna «LGBT+ Helpline». Ina finamira saja era dad insumma crear ina statistica da tals cas da violenza. Enfin ussa na registreschia la polizia betg tals cas da violenza specificamain sco violenza encunter persunas lesbicas, omosexualas u transsexualas di la «LGBT+ Helpline».
Dapli
Senza statistica nagin problem
Perquai ch’i na dat betg statisticas dettia quai in deficit dad infurmaziun e da savair. A partir da l’onn 2017 metta a disposiziun il nov post per annunziar tala violenza las datas rimnadas a la publicitad. Tar la «LGBT+ Helpline» lavuran sin basa voluntaria radund 30 persunas che èn sez lesbicas, omosexualas u transsexualas. Ellas provan da cussegliar u dad intermediar agid da spezialists u da la polizia.
LGBT è la scursanida englaisa per Lesbian, Gay, Bisexual and Transgender, damai per las orientaziuns sexualas lesbic, omosexual, bisexual e transsexual.
RR novitads 12:00